Праз пяць гадоў з часу прэзідэнцкіх выбараў ацэнку сітуацыі неабходна рабіць з некалькіх бакоў: у якой сітуацыя знаходзіцца краіна, беларускае грамадства і апазіцыя, гаворыць палітолаг Павал Усаў.
Калі казаць пра грамадства, то сітуацыя трагічная. Натхненне і спадзяванні ад 2020 года пераўтварыліся ў катастрофу, гаворыць палітолаг:
- Знішчана ўся палітычная актыўнасць унутры Беларусі. Адбылося знішчэнне грамадскай супольнасці, вынішчэнне палітычнай і ідэалагічнай аўтаноміі беларускай грамадзянскай супольнасці. Беларускі рэжым, якія існаваў як аўтарытарызм, але ў мяккай форме, перайшоў у фазу нэататалітарызма, калі дзяржава кантралюе амаль усе сферы жыцця. Школы, універсітэты сталі частка прапагандысцкай машыны, якая фарміруе паслухмянасць у дачыненні да ўладаў.
Што тычыцца дзяржавы, то ў 2022 годзе, як вынік 2020, краіна апынулася пад фактычна адчыненай акупацыяй Расіі. Яны была ўцягнутая ў вайну. Сёння мы маем дачыненні з разбурэннем суверэнітэту і незалежнасці краіны. Паводле апошніх заяў, акрамя тактычнай ядзернай зброі ў Беларусі можа з’явіцца стратэгічная ядзерная зброя. Па факце гэта абазначае поўнае падпарадкаванне Беларусі Расіі пры наяўнасці фармальнай аўтаноміі Лукашэнкі.
І трэцяе, гэта апазіцыя. Гэта павінен быў быць новы кшталт апазіцыі, якая б адрознівалася ад гэта званай старой. На першым этапе маладыя людзі, якія абудзіліся ў 2020 годзе, пераўтварылі пратэсты ў карнавал, што ўлады выкарысталі і знішчылі пратэст. Па выніку новая апазіцыя абрасла скандаламі, у тым ліку карупцыйнымі. Пасля пяці год новая апазіцыя выглядае як палітычны банкрут.
Поўны каментар - у далучаным гукавым файле.
слухайце аўдыё