Польшча пачынае будаўніцтва самай сучаснай у Еўропе сістэмы барацьбы з дронамі. Праект San, афіцыйна абвешчаны 30 студзеня, стане новай, самай ніжняй, але надзвычай важнай часткай нацыянальнай супрацьпаветранай абароны. Яго кошт — каля 15 млрд злотых (3,6 млрд), а першыя элементы паступяць у войска ўжо ў 2026 годзе, — паведамляе forsal.pl.
Ідэя стварэння сістэмы San з’явілася пасля інцыдэнту ў верасні 2025 года, калі ў польскую паветраную прастору ўварваўся 21 расійскі дрон. Для іх знішчэння давялося выкарыстоўваць дарагія ракеты, прызначаныя для значна большых паветраных цэляў. Гэта паказала, што патрэбна асобная, танная і хуткая сістэма.
San — гэта не проста радар. Ён спалучае зенітныя гарматы 30- і 35-мм калібру, ракеты, кулямёты, дроны-камікадзэ і сістэмы радыёглушэння. San можа не толькі збіваць дроны, але і «адключаць» іх, парушаючы сувязь з аператарам.
Праект аб’ядноўвае польскую абаронную прамысловасць: зброя вырабляецца ў Тарнаве, Варшаве, на Сілезіі і ва Уроцлаве. Запланавана стварэнне 18 антыдронавых батарэй — для аховы войска і ключавых аб’ектаў.
San стане часткай шматузроўневай сістэмы абароны разам з Wisła, Narew і Pilica. Польшча імкнецца не толькі абараніць сябе, але і стаць лідарам у сферы антыдронавых тэхналогій у ЕС.
эж