Падатковыя льготы, будаўніцтва даступнага жылля і скарачэнне бюракратыі — гэта некаторыя элементы плана рэформаў, узгодненага нямецкай урадавай кааліцыяй у сераду ўвечары.
— Мы хочам вярнуць Германію на правільны шлях, — абвясціў канцлер Германіі Фрыдрых Мерц.
Лідары кааліцыйных партый, ХДС/ХСС і СДПГ, дасягнулі пагаднення адносна пакета рэформаў пасля больш чым сямігадзінных перамоваў.
Урад плануе, сярод іншага, штогадовыя падатковыя льготы ў памеры 10 мільярдаў еўра для людзей з нізкім узроўнем даходу. Гэтая мера будзе фінансавацца за кошт павышэння падатковай стаўкі з 45 да 47% для тых, хто зарабляе найбольш, г.зн. тых, чый гадавы даход перавышае 280 тысяч еўра.
Акрамя гэтай змены, кааліцыя мае намер пабудаваць больш даступнага жылля, чым раней, і скараціць бюракратыю, скараціўшы колькасць занятых у міністэрствах на 8%. Урад таксама абавязаўся прыняць больш рашучыя меры супраць тых, хто ашуквае сістэму сацыяльных выплат. Чакаюцца таксама змены ў пенсійнай сістэме, якія будуць уключаць паступовае павышэнне пенсійнага ўзросту ў залежнасці ад працягласці жыцця.
Выданне адзначае, што рэформы — важны крок для ўраду Фрыдрыха Мерца. На дадзены момант яго хрысціянска-дэмакратычны блок ХДС/ХСС мае нізкія рэйтынгі папулярнасці ў Германіі. Крытыкі абвінавачваюць яго ў тым, што ён не змог забяспечыць абяцанае эканамічнае аднаўленне краіны. Партыя адстае ад правапапулісцкай «Альтэрнатывы для Германіі» (AfD) на некалькі працэнтных пунктаў у большасці нацыянальных апытанняў.
юл