У панядзелак апоўначы апошні амерыканскі ваенны самалёт, які эвакуіраваў амерыканскіх салдат і мірных жыхароў, вылецеў з аэрапорта Кабулу.
На яго борце былі, між іншым часовы павераны ў справах амбасады ЗША Рос Уілсан. Апошні салдат, які пакінуў Афганістан, быў генерал Крыс Донах'ю.
Кенэт Ф. Макензі, кіраўнік камандавання, адказны за аперацыі ЗША на Блізкім Усходзе і ў Цэнтральнай Азіі, абвясціў пра заканчэнне 20-гадовай ваеннай місіі ў Афганістане. У той жа час ён дадаў, што працягваецца дыпламатычная місія па эвакуацыі людзей, якія не змаглі вылецець да 31 жніўня.
Дзяржсакратар ЗША Энтані Блінкен назваў эвакуацыю з Афганістана "самай маштабнай ваеннай, дыпламатычнай і гуманітарнай аперацыяй", адной з самых складаных, што ладзіла ЗША.
Блінкен дадаў, што Талібан павінен заслужыць сваю легітымнасць і будзе ацэньвацца ў залежнасці ад таго, наколькі Рух выконае свае абавязацельствы па забеспячэнні свабоднага перасоўвання грамадзян у краіне, абароне правоў усіх афганцаў, у тым ліку жанчын, і змаганні з тэрарыстычнымі групоўкамі.
Завяршэнне 20-гадовай ваеннай місіі ЗША талібы адзначылі стрэламі ў паветра ды крыкамі ўра.
юл