Прэс-сакратар «Nord Stream 2» – былы інфарматар Штазі

Папкі Эберта паказваюць, што ён падпісаў дэкларацыю аб супрацы са Штазі «на добраахвотнай аснове» 22 жніўня 1984 года.

Здымак мае ілюстрацыйны характар

Shutterstock/Kingtony

Штэфен Эберт, шматгадовы менеджар па камунікацыях «Nord Stream 2», які з'яўляецца прамым сувязным звяном паміж уладамі кампаніі і прэмʼер-міністрам Мекленбург-Пярэдняй Памераніі Мануэлай Швезіг (SPD), быў інфарматарам усходнегерманскіх службаў бяспекі – Штазі. Гэта выявіла газета «Bild».

«Адкрытая ўнутраная перапіска паказвае, што Эберт лічыцца галоўным сувязным звяном паміж «Паўночным патокам-2», Швезіг і дзяржаўнымі ўладамі», – апісвае штодзёнка. Упершыню Эберт сустрэўся з прэмʼер-міністрам Швезіг у 2017 годзе адразу пасля таго, як яна ўзначаліла ўрад Мекленбурга-Пярэдняй Памераніі.

Тады ён таксама пазнаёміўся з былым маёрам Штазі Маціясам Варнігам, які ўзначальваў кампанію «Nord Stream AG», якая была даверанай асобай Уладзіміра Пуціна. Менавіта Варніг сачыў за бяспекай дачок расійскага лідара Марыяй Варанцовай і Кацярынай Ціханавай, калі яны ў 1990-я пераехалі з Санкт-Пецярбурга ў Германію.

Папкі Эберта паказваюць, што ён падпісаў дэкларацыю аб супрацы са Штазі «на добраахвотнай аснове» 22 жніўня 1984 года. «Штазі ацаніла яго як надзейнага і сумленнага інфарматара», піша «Bild». У траўні 1987 года Эберт павінен быў спыніць супрацоўніцтва са службамі «па меркаваннях сумлення».

Эберт прызнаўся «Bild», што цяпер шкадуе, што даваў Штазі інфармацыю пра іншых і лічыць сябе ахвярай сістэмы. «Як і многія людзі ва Усходняй Германіі, я стаў нявіннай ахвярай індактрынацыі сістэмы, і я чакаю, што гэта будзе разглядацца ў кантэксце таго часу», – тлумачыць Эберт.

ав/PAP