Неўзабаве будзе чатыры гады ад пачатку расійскай агрэсіі супраць Украіны, за гэты час Расійская праваслаўная царква заняла максімальна антыхрысціянскую пазіцыю, прыводзячы ўсе магчымыя аргументы ў падтрымку «свяшчэннай вайны», кананізуючы як пакутнікаў загінулых на фронце расійскіх вайскоўцаў. На пачатку бягучага года кіраўнік РПЦ зрабіў шэраг асабліва злавесных заяў.
Пачатак года ў Расіі прайшоў не пад знакам Раства, а мілітарызму, якім прасякнутая нават рэлігія. Кіраўнік Расійскай праваслаўнай царквы Патрыярх Кірыл назваў назваў Пуціна «праваслаўным правадыром», а тых, хто парушае «грамадскі кансэнсус» - «здраднікамі Радзімы». Са словаў святара вынікае, што стрыжань «кансенсусу» - СВА і супрацьстаянне Захаду.
У адказ на гэтыя заявы былы рэдактар часопіса «Маскоўскай Патрыярхіі» Сяргей Чапнін заявіў у размове з Яўгенам Кісілёвым, што расійскае праваслаўе перастала быць хрысціянствам і стала культам на патрэбы Крамля.
У панядзелак, 12 студзеня, Служба знешняй разведкі Расіі назвала Канстантынопальскага патрыярха «антыхрыстам у расе». Расійскія чыноўнікі абвінавацілі яго ў спробе «выцесніць рускае праваслаўе з тэрыторыі балтыйскіх дзяржаў, нібыта пры «падтрымцы брытанскіх спецслужбаў».
Што гэтыя заявы расійскіх святароў ды чыноўнікаў сведчаць пра стан Расійскай праваслаўнай царквы? Пра гэта мы паразмаўлялі з палітолагам Паўлам Усавым.
— Мы маем дачыненне з класічнай формулаў пераходу да праваслаўнага фундаменталізма ў Расіі. Царква проста абслугоўвае кіроўны рэжым, не звяртаючы ўвагу на яго абсалютную антыхрысціянскасць. Царква выконвае ролю легітымізацыі ўлады ды кантролю за настроямі. РПЦ стала адным з інструментаў пуцінскай ідэалогіі «рашызму» ці «рускага свету». Пуцін імкнецца адбудаваць імперыю, а праваслаўе інструмен распаўсюды яго канцэпцыіі, згодназ якой, там дзе было праваслаўе – павінен быць «рускім мір». Сучасная расійская праваслаўная царква перастала быць рэлігійнай установай, гэта палітычны інстытут, які клапоціцца пра самазабеспячэнне і багацце чаркоўных чыноў.
Размаўляў Юры Ліхтаровіч
Слухайце размову ў аудыёфайле