Экс-міністр інфармацыі Беларусі Лілія Ананіч зарэгістравала ініцыятыўную групу па зборы подпісаў у падтрымку вылучэння сябе кандыдатам у дэпутаты Палаты прадстаўнікоў, паведамляе „Еўрарадыё”.
Балатавацца намесніца старшыні грамадскага аб'яднання „Беларускі саюз жанчын” будзе ў родным Барысаве.
Апанентамі былога міністра ў выбарчай акрузе будуць начальнік Барысаўскага гаррайаддзела па надзвычайных сітуацыях Уладзімір Пікуза і грузчык Яўген Шчарбін.
Лілія Ананіч займала пасаду міністра інфармацыі з 2014 па 2017 год. На пасадзе намесніка міністра працавала з 2001 года.
аз