17 верасня ў Беларусь з візітам прыбудзе намеснік дзяржаўнага сакратара ЗША па палітычных справах Дэвід Хэйл. Пра гэта паведамляе прэс-служба Міністрства замежных спраў, паведамляе Еўрарадыё.
У яго запланаваныя сустрэчы з кіраўніком Беларусі Аляксандрам Лукашэнкам, а таксама міністрам замежных спраў Уладзімірам Макеем. "Бакі абмяркуюць пытанні беларуска-амерыканскіх адносін і рэгіянальнай бяспекі", — адзначаюць у прэс-служба МЗС.
29 жніўня ў Беларусь з візітам прыязджаў Джон Болтан — дарадца прэзідэнта ЗША па нацыянальнай бяспецы. Неўзабаве пасля гэтага візіту, 10 верасня, Дональд Трамп звольніў Болтана, заявіўшы, што не згодны з многімі яго прапановамі.
эж