Па словах кіраўніка аддзела палітыкі, эканомікі, прэсы і інфармацыі прадстаўніцтва Еўрапейскага саюза ў Беларусі Эвяліны Шульц, «пагадненне аб рэадмісіі знаходзіцца ў стадыі падрыхтоўкі да падпісання». Яна адзначыла, што «будучы год можа стаць знакавым з пункту гледжання імплементацыі пагадненняў з Беларуссю аб спрашчэнні візавага рэжыму і рэадмісіі».
«Мы чакаем, што падпісанне абодвух пагадненняў адбудзецца вельмі хутка», - сказала Шульц.
18 лістапада ў Афіцыйным часопісе Еўрапейскага саюза было апублікавана рашэнне Савета ЕС аб падпісанні з Беларуссю пагаднення аб спрашчэнні візавага рэжыму, прынятае 14 кастрычніка. Аналагічнае рашэнне па пагадненні аб рэадмісіі, якое павінна быць падпісана адначасова з візавым пагадненнем, пакуль не прынята.
Раней у прадстаўніцтве ЕС казалі: «Наступны важны крок - падпісанне пагадненняў аб спрашчэнні візавага рэжыму і рэадмісіі. Савет Еўрапейскага саюза ўжо ўхваліў падпісанне пагаднення аб спрашчэнні візавага рэжыму і, як чакаецца, ўхваліць падпісанне пагаднення аб рэадмісіі пасля завяршэння працэдур з боку ЕС. Пасля падпісання абодвух пагадненняў Еўрапейскі парламент павінен даць згоду на іх заключэнне, а затым Савет Еўрапейскага саюза павінен прыняць рашэнні аб іх падпісанні".
Аляксандр Лукашэнка ўхваліў падпісанне Беларуссю пагадненняў аб спрашчэнні візавага рэжыму і аб рэадмісіі з ЕС 20 верасня.
Калі паміж Беларуссю і Еўрасаюзам будзе падпісана пагадненне аб спрашчэнні візавага рэжыму, то консульскі збор для беларускіх грамадзян складзе 35 еўра.
паводле naviny.by/нг