Беларусь і Вялікая Брытанія правядуць сумесныя вайсковыя вучэнні. Пра гэта паведамілі ў беларускім Міністэрстве абароны, перадае тэлеканал Белсат.
Сумеснае трэнаванне беларускіх міратворцаў з падраздзяленнем марской пяхоты Вялікай Брытаніі пройдзе з 1 па 14 сакавіка. Вучэнні маюць назву Winter Partisan.
Мерапрыемства праходзіць у рамках падрыхтоўкі міратворчай роты 103 Віцебскай асобнай паветрана-дэсантнай брыгады да ўдзелу ў міратворчай дзейнасці ААН.
29 лютага ў Беларусь ужо прыбылі брытанскія вайскоўцы са складу перадавой групы суправаджэння рыштунку.
Прыбыццё асноўнага складу брытанскіх марскіх пяхотнікаў адбываецца 1 сакавіка.
эж