У сераду, 25 сакавіка, у Мінску затрымалі галоўнага рэдактара анлайн-выдання "Ежедневник" Сяргея Сацука, паведамляе партал TUT.by.
Па словах калег, Сацука затрымалі ў грамадскім месцы. Людзі, якія назваліся супрацоўнікамі Камітэта дзяржкантролю, папрасілі яго паказаць дакументы, а потым павезлі з сабой.
Сяргей Сацук здабыў шырокую вядомасць сваімі журналісцкімі расследаваннямі. Самым гучным з іх за апошні час стала расследаванне пра пастаўкі ў Беларусь незарэгістраванай вакцыны "Эўпента".
Жонка журналіста Жана Сацук распавяла, што Сяргей цяпер знаходзіцца ў Дэпартамэнце фінансавых расьсьледаваньняў. Там ёй адмовіліся даць інфармацыю, на якой падставе затрыманы Сяргей.
У камітэце дзяржкантролю не пракамэнтавалі, ці маюць справу супраць журналіста.
эж