Каардынатара штаба Віктара Бабарыкі Марыю Калеснікаву і юрыста Максіма Знака выклікалі ў Генпракуратуру, паведамілі 16 ліпеня ў штабе былога прэтэндэнта на прэзідэнцкі пост, аб чым піша сайт Навіны.
Прадстаўнікам штаба прыйшла позва з Генпракуратуры. Там пазначана, што выклікаюцца яны «у рамках рэалізацыі заканадаўства аб прафілактыцы правапарушэнняў».
«Мы скарыстаемся гэтай магчымасцю для перадачы інфармацыі пра шматлікія парушэнні заканадаўства Рэспублікі Беларусь з просьбай прыняць меры пракурорскага рэагавання», - заявілі ў штабе.
Калеснікава і Знак павінны былі наведаць пракуратуру 16 ліпеня ў 11:00, аднак неўзабаве стала вядома пра перанос сустрэчы.
Былы старшыня праўлення "Белгазпрамбанка" Віктар Бабарыка быў затрыманы 18 чэрвеня па падазрэнні ў здзяйсненні эканамічных злачынстваў і ўтрымліваецца ў СІЗА КДБ.
нг