Яшчэ 112 кампаній пачалі шукаць магчымасці для рэлакейта.
У сваю чаргу латвійскі ўрад запрапанаваў падтрымку беларускім кампаніям, якія хочуць перавезці свой бізнес. Дырэктар агенцтва інвестыцыяў і развіцця Каспар Рожкалнс заявіў, што будзе аказана ўся неабходная падтрымка бізнесменам, якія з-за адсутнасці гарантыі бяспекі ў Беларусі, захочуць развіваць свой бізнес у Латвіі.
Сыход фірмаў - гэта моцны ўдар па эканоміцы Беларусі, кажа эканаміст з цэнтру CASE-Беларусь Алесь Аляхновіч.
- Гэта будуць згубленыя сродкі для Беларусі. Сто фірмаў – гэта частка. Але ўся гэтая атмасфера страху, недаверу да дзяржавы, асабістай небяспекі вельмі моцна адбываецца на эканоміцы. У любой краіне.
Больш за 150 эканамістаў з 25 краінаў свету падпісалі зварот да беларускіх уладаў. Яны папярэджваюць пра фатальныя наступствы для эканомікі, калі не пачнуцца перамовы і калі ўлада не ўзновіць павагу да правоў чалавека і эканамічных правоў беларусаў.
Сярод падпісаных праф. Лешэк Бальцэровіч, праф. Янош Корнаі, праф. Станіслаў Гамулка, праф. Андэрс Ослунд, праф. Крыстафер Хартвэл, Сяргей Аляксашанка і іншыя прадстаўнікі вядомых універсітэтаў і даследчых цэнтраў з Польшчы, Чэхіі, Аўстрыі, Нямеччыны, Італіі, Іспаніі, Вялікабрытаніі, ЗША, Аўстраліі, Расіі і іншых краінаў.
юл