Журналістаў партала Tut.by Надзею Калініну і Аляксея Суднікава, «Камсамольскай праўды» ў Беларусі» Мікіту Дубалеку, Марыю Эляшэвіч, Сяргея Шчогалева і агенцтва БелаПАН Андрэя Шаўлюгу, затрыманых 1 верасня на акцыі ў Мінску, даставілі на Акрэсціна. Суд над імі працягнецца сёння, паведамляе «Наша Ніва».
Прадстаўнікоў прэсы затрымалі ўвечары 1 верасня. Амаль суткі нашы калегі знаходзіліся ў РУУС Кастрычніцкага раёна. Ноч яны правялі ў актавай зале, спалі на крэслах. Іх справы разглядаў суд. Рашэнне па іх справах пакуль не прынята. Справы адпраўлялі на дапрацоўку.
Нягледзячы на тое, што журналісты былі ў пазначаных камізэльках і з бэйджамі «Прэса», іх затрымалі і абвінавацілі ва ўдзеле ў несанкцыянаваным мерапрыемстве – гэта артыкул 23-ы, частка 34-я.
Журналістам пагражае штраф або адміністрацыйны арышт да 15 сутак.
вс