Міністэрства ўнутраных спраў Беларусі ініцыюе ўвядзенне адказнасці за наўмыснае ўцягванне дзяцей у пратэстную дзейнасць. Аб гэтым паведаміў журналістам першы намеснік міністра ўнутраных спраў - начальнік крымінальнай міліцыі Генадзь Казакевіч, перадае карэспандэнт БЕЛТА.
„Мы выступілі з ініцыятывай па ўвядзенні адміністрацыйнай адказнасці бацькоў за наўмыснае ўцягванне дзяцей у пратэстную дзейнасць, незаконныя масавыя мерапрыемствы. Гэта ўяўляе пагрозу не дзяржаве, а дзецям, якіх неразумныя бацькі спрабуюць да гэтай справы падвесці”, - сказаў Генадзь Казакевіч. Паводле яго слоў, МУС таксама выступае ў цэлым за ўзмацненне адміністрацыйнай адказнасці за ўдзел у незаконных масавых мерапрыемствах.
Генадзь Казакевіч адзначыў, што на пратэстныя акцыі вельмі многія грамадзяне прыходзяць са сваімі дзецьмі. Паводле яго слоў, ёсць нават „выключна цынічныя” ўчынкі, калі бацькі выстаўляюць сваіх дзяцей перад міліцэйскімі кардонамі. Прадстаўнік МУС адзначыў, што шматтысячны натоўп лёгка можа стаць некіруемым, і тады ў першую чаргу пацярпяць дзеці.
„Забяспечыць бяспеку дзіцяці ў такой сітуацыі немагчыма. Любое хістанне натоўпу - і гэтыя дзеці будуць проста размазаны. Хто-небудзь з бацькоў пра гэта думае?” - спытаў першы намеснік міністра.
аз