Беларусь абвясціла Святлану Ціханоўскую ў міждзяржаўны вышук па артыкуле пра заклік да звяржэння канстытуцыйнага ладу і дзеянняў, накіраваных на шкоду нацыянальнай бяспецы.
Пра гэта паведамляе РИА Новости са спасылкай на МУС Расіі. Заклікі да звяржэння палітычнай сістэмы ў Беларусі караюцца пазбаўленнем волі тэрмінам ад трох да пяці гадоў.
Раней паведамлялася, што Ціханоўская значыцца ў базе дадзеных асоб, якія знаходзяцца ў вышуку ў Расіі. У Міністэрстве ўнутраных спраў Расіі патлумачылі, што ў Расіі супраць яе не ўзбуджана крымінальная справа, і яе пошукі вынікаюць з пагадненняў аб узаемнай дапамозе, заключаных Расіяй і Беларуссю.
Ціханоўская выехала ў Літву неўзабаве пасля прэзідэнцкіх выбараў у Беларусі 9 жніўня, якія, паводле афіцыйных дадзеных, выйграў Аляксандр Лукашэнка. Кандыдатка ад апазіцыі атрымала быццам бы толькі 10 адсоткаў галасоў. Ціханоўская ды сотні тысяч беларускіх жыхароў не прызнаюць гэтых вынікаў.
ПР/нг