Замежныя журналісты ўсё яшчэ чакаюць акрэдытацыі ў беларускім МЗС

Сярод тых, каму падоўжылі тэрмін адказу з сямі дзён да месяца, карэспандэнт Польскага радыё Уладзімеж Пац.

Здымак мае ілюстрацыйны характар.

Photo:rafabendo/pixabay.com/CC0 Public Domain

У чаканні ён прыехаў у Варшаву і працуе як штатны журналіст.
Паводле яго, акрэдытацыю атрымалі ўжо некалькі журналістаў, але пераважна расійскіх.

-Паводле маіх ведаў, некалькі журналістаў атрымалі акрэдытацыю, але ў першую чаргу гэта журналісты расійскіх СМІ. Ёсць некаторыя журналісты заходніх СМІ, але яны не працуюць у Беларусі пастаянна, а прыязджаюць раз на нейкі час. У асноўным журналісты заходніх СМІ – гэта грамадзяне Беларусі. І яны чакаюць, як і я. Скажам, журналісты Свабоды, Еўрарадыё. Адныя падыходзяць скептычна, іншыя спадзяюцца, што атрымаюць. Я чакаю са спакоем.

Уладзімеж Пац для Польскага радыё ў Мінску працуе ўжо 26 гадоў.

ав