Пастаянныя прадстаўнікі 27 краін-членаў Еўрапейскага Звязу ўхвалілі пашырэнне санкцый у дачыненні да ўладаў Беларусі. У новы еўрапейскі санкцыйны спіс трапіць Аляксандр Лукашэнка, з Бруселю перадае карэспандэнтка Польскага Радыё Бэата Пламецка:
- Акрамя Аляксандра Лукашэнкі, санкцыі закрануць яшчэ 14 прадстаўнікоў ягонага рэжыму. Ім будзе забаронены ўезд у ЕЗ, а іх актывы ў Еўропе – замарожаныя. Абмежаванні ўступяць у сілу пасля публікацыі рашэння ў Афіцыйным часопісе ЕЗ, што, як чакаецца, адбудзецца ўжо ў бліжэйшыя дні.
Цяпер санкцыямі Еўразвязу ахопленыя 40 прадстаўнікоў рэжыму Лукашэнкі, самым высокапастаўленым з якіх з'яўляецца былы міністр унутраных спраў Беларусі.
IAR/эж