Курсант 4 курса факультэта міліцыі Акадэміі МУС Уладзіслаў Бацян пакінуў шэрагі супрацоўнікаў Унутраных спраў. Не жадаючы станавіцца зброяй у руках нелегітымнай улады, ён запісаў відэазварот да сваіх былых аднакурснікаў і будучых афіцэраў.
- Хопіць маўкліва выконваць злачынныя загады. Хопіць збіваць народ і весціся на хлуслівыя прамовы ідэолагаў ды кіраўнікоў. Не маўчыце і не апраўдвайцеся кантрактамі ды крэдытамі. Прыміце правільнае рашэнне. Будзьце з народам!
Гэта далёка не адзінкавы выпадак, кажа прадстаўнік ініцыятывы BY_Pol Андрэй Астаповіч.
- Шмат хто сыходзяць самі, шмат каго звальняюць, пераследуюць нават на падставе подпісаў адданых за кандыдатаў. Разганяюць цэлыя аддзелы, ідзе чыстка. Людзі сыходзяць.
Цяпер ёсць унікальная магчымасць паказаць, што вернасць прысязе і свайму народу - асноўныя якасці сапраўднага афіцэра, падкрэсліваюць прадстаўнікі ініцыятывы.
юл