Аптэкі рыхтуюцца да падаражэння лекаў і медпрэпаратаў з лютага. Рост коштаў складзе каля 10%. Некаторыя ўдзельнікі рынку рэкамендуюць тым, у каго хранічныя захворванні і трэба пастаянна прымаць прэпараты, купіць іх у студзені да падаражэння - паведамляе Беларускі партызан.
З 1 студзеня чыноўнікі паднялі стаўкі падатку на даданую вартасць на ўвоз і продаж лекаў і медычных вырабаў. З гэтага месяца тыя партыі тавару, якія ўвозяць у краіну, павінны абкладацца ПДВ у 10%, а на ўвезеныя да гэтага года лекі трэба перагледзець цэны да 1 лютага.
Аптэчныя сеткі распавядаюць, што маюць намер «цягнуць да апошняга» з павышэннем цэн, гэта значыць да пачатку лютага. Удзельнікі рынка кажуць, што падаражэе большасць лекавых вырабаў. Гаворка ідзе пра падаражэнне не толькі імпартных лекаў. Паколькі ў шмат якіх беларускіх леках ёсць замежныя кампаненты, на якія таксама падвысілі ПДВ, то цэны таксама вырастуць і на іх.
нг