Святлана Ціханоўская адрэагавала на заяву прэзідэнта Міжнароднай федэрацыі хакея (МФХ) Рэнэ Фазеля пра чэмпіянат свету па хакеі ў Беларусі
Ціханоўская заклікае ўсе нацыянальныя федэрацыі байкатаваць Чэмпіянат свету па хакеі ў Беларусі.
«Візіт Рэнэ Фазеля ў Мінск паказаў непаслядоўнасць, якая можа нашкодзіць рэпутацыі самой Міжнароднай федэрацыі па хакею IIHF» – напісала Святлана Ціханоўская ў сваім ТК.
- Спартыўнае свята не можа праходзіць у краіне, дзе палітвязні сядзяць у карцэрах у некалькіх кіламетрах ад лядовых арэн. Швейцарац Фазель мог бы абараняць грамадзянку Швейцарыі Наталлю Херш, якую «сумленны суд» прысудзіў да 2,5 гадоў зняволення за зрыў балаклавы з амапаўца. Замест гэтага ён марудзіць з заявамі і ставіць пад сумнеў павагу да беларускага народу.
Паводле яе слоў, многія хакеісты, зборныя і федэрацыі краін не збіраюцца ехаць на чэмпіянат у Беларусь.
яс