Ініцыятыва ByPol (яднае сілавікоў Беларусі, якія адмовіліся служаць рэжыму) апублікавала новую інфармацыю, датычную намесніка міністра ўнутраных спраў Беларусі Мікалая Карпянкова. У кастрычніку ён расказаў пра новую траўматычную зброю, якую неабходна прымяняць супраць пратэстоўцаў. Пры гэтым міністр заверыў, што Аляксандр Лукашэнка асабіста гарантуе беспакаранасць сілавікам. Акрамя таго, Карпянкоў паведаміў пра планы Лукашэнкі стварыць спецыяльны лагер для асобаў, якія паўторна прынялі ўдзел у акцыі пратэсту.
- Лагер для адсялення. Паставіць калючы дрот, абагрэў, каб кармілі іх. І там іх трымаць, пакуль усё не супакоіцца.
Лагер планавалі стварыць на базе выпраўленчай калоніі ў Івацэвічах.