Фонд спартыўнай салідарнасці ініцыюе дабрачынны забег #MARATHONFORFREEDOM у падтрымку беларусаў. Прыняць удзел можа кожны ў любым пункце свету.
«Ужо амаль 7 месяцаў беларусы змагаюцца за сваю свабоду. І гэтая барацьба падобная на марафон. Ва ўмовах вар'яцтва беларусам усё больш складана знаходзіць сілы, магчымасці і адвагу, каб працягваць мірна адстойваць свае правы. Правы і свабоды, гарантаваныя Канстытуцыяй. Беларусы цяпер не могуць «ганяць ва ўсю моц» – нелегітымная ўлада будуе першы ў краіне канцлагер. Неасцярожнае слова, каментар у сацсетках і нават колер адзення прыраўноўваюцца да злачынстваў. Менавіта таму мы заклікаем прабегчы МАРАФОН СВАБОДЫ ў падтрымку беларусаў».
Прыняць удзел можа кожны, незалежна ад месцазнаходжання і гадзіннага пояса. Для гэтага неабходна зарэгістравацца на сайце www.marathonforfreedom.org і атрымаць віртуальны стартавы нумар, а пасля прабегчы дыстанцыю 2334 метра ў любы дзень з 1-га па 10-га лютага.
Пасля размясціць фота з прабежкі ў стужцы і паставіць хэштэг #MARATHONFORFREEDOM і адзначыць рахунак @ sos_by_2020.
Так беларусы атрымаюць тысячы доказаў таго, што яны не адны на гэтай дыстанцыі і не адны ў гэтай барацьбе!
ав