Старшыня Галоўнага савета Саюза палякаў у Беларусі Анджэліка Арэхва кажа, што абвінавачанне затрыманых польскіх актывістаў у распальванні нацыянальнай варожасці недарэчнае:
- Для Саюза палякаў у Беларусі - гэта абсалютна незразумелае і недарэчнае абвінавачванне. Мы ніколі не былі арганізацыяй, якая распальвае нацыянальную варожасць. Паводле Асноўнага закона Беларусі, польская меншасць мае свае правы і мы гэтыя правы абараняем. Гаворка ідзе пра права на пашану і вывучэнне роднай мовы, гісторыі і памяці пра нашых продкаў.
Анжэліку Борыс і траіх іншых лідараў Саюза палякаў у Беларусі перавезлі з ізалятара часовага ўтрымання «Акрэсціна » у ізалятар «Валадарка». Генпракуратура абвінаваціла іх у распальванні нацыянальнай варожасці, за што ім пагражае да 12 гадоў пазбаўлення волі.
Як стала вядома Польскаму радыё, у панядзелак пройдуць допыты затрыманых кіраўнікоў Саюза палякаў у Беларусі. Ва ўсіх чатырох ёсць адвакаты.
аз