Тром жанчынам беларускай рэвалюцыі – Святлане Ціханоўскай, Марыі Калеснікавай і Вераніцы Цапкале – прысудзілі Прэмію імя Льва Копелева за мір і правы чалавека за 2021 год, паведамляе «Deutsche Welle».
Прэмію ўручылі за мужную барацьбу за дэмакратыю і супраць фальсіфікацыі прэзідэнцкіх выбараў у Беларусі. Сёлета ў сувязі з пандэміяй каронавіруса цырымонія ўзнагароджання пройдзе онлайн. Прэстыжную нямецкую прэмію традыцыйна ўручаюць у Кёльне, выступіць кіраўнік федэральнай зямлі Паўночны Рэйн – Вэстфалія Армін Ляшэт.
Зацверджаную Форумам імя Льва Копелева прэмію, названую ў гонар вядомага расейскага пісьменніка і праваабаронцы, уручаюць у Кёльне з 2001 года.
belsat/эж