Так кіроўцу аўтадому «Краіна для жыцця» Аляксандру Арановіча прысудзілі 6 гадоў калоніі ўзмоцненага рэжыму.
38-гадовага мужчыну вінавацілі ў арганізацыі дзеянняў, што груба парушылі грамадскі парадак, удзеле ў масавых беспарадках і непадпарадкаванні сілавікам.
6 гадоў пазбаўлення волі для Арановіча запытаў пракурор Дзяніс Корда. Вяла працэс суддзя Алена Пятрова.
Аляксандра затрымалі 29 траўня мінулага года разам з Сяргеем Ціханоўскім падчас збору подпісаў у Гродна. Паводле версіі абвінавачвання, толькі затрыманне і перашкодзіла Арановічу здзейсніць свой план па нібыта арганізацыі беспарадкаў.
У Гомелі судзяць сябраў ініцыятыўнай групы Ціханоўскай. Вынясенне прысуду абвешчана на 3 траўня. Пракурор запрасіў для актывістаў наступныя тэрміны зняволення: 6,5 гадоў узмоцненага рэжыму для Юрыя Уласава, 6 гадоў узмоцненага рэжыму для Аляксандра Шабаліна і Дзмітрыя Івашкова ды 6 гадоў агульнага рэжыму для Таццяны Канеўскай.
юл