Улады баяцца кожнага праяву грамадскай актыўнасці, не была дазволена і акцыя на 1 мая – Міжнародны дзень салідарнасці працоўных. Старшыня Беларускага Кангрэса дэмакратычных прафсаюзаў Аляксандр Ярашук падаваў заяўку ў Мінскі гарвыканкам на правядзенне мітынгу, аднак атрымаў адмову на падставе «складанай эпідэміялагічнай сітуацыі ў краіне». Ярашук кажа, што рашэнне ўладаў можна было прадбачыць.
- Тая ж самая сітуацыя, што і 25 сакавіка, і 26 красавіка. Канешне, вельмі баяцца дазваляць любое мерапрыемства, таму што з іх пункту гледжання гэта можа мець непрадказальныя наступствы.
Кіраўніцтва партыі левых «Справядлівы свет» заявіла, што ўлады Беларусі ўсяляк перашкаджаюць самаарганізацыі працоўных і намагаюцца сказіць палітычны сэнс Першамая, ператварыўшы яго ў дадатковы выходны. Пры гэтым вядзецца шырокамаштабны наступ на правы і свабоды народу – прымаюцца ўсё новыя адыёзныя дэкрэты, законы і падзаконныя акты, якія ўскладняюць і без таго цяжкае існаванне працоўнага люду, гаворыцца ў адмысловай заяве.
нг