X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Улады распачалі атаку на TUT.BY

18.05.2021 14:15
Рэжым Лукашэнкі пачаў дзеянні, мэта якіх поўны параліч працы найбуйнейшай і найбольш папулярнай крыніцы інфармацыі ў Беларусі.
Domena portalu TUT.by jest zablokowana.
Domena portalu TUT.by jest zablokowana.Źródło: Twitter/TUT.BY @tutby

Сайт Tut.by адключаны. Да кіраўнікоў і ў офісы кампаніі прыйшлі з Дэпартамента Федэральнага Расследавання. Заведзеная крымінальная справа.

Сілавікі прыйшлі і ў цэнтральны і рэгіянальныя офісы кампаніі Tut.bу, а таксама ў афіляваныя з ёй Hoster.by і av.by. Вобшукі праводзяцца таксама ў кватэрах журналістаў.

Раніцай 18 траўня сілавікі да некалькіх рэдактараў Tut.bу дадому прыйшлі сілавікі і супрацпоўнікі ДФР. У тым ліку да галоўнай рэдактаркі Марыны Золатавай.

Камітэт Дзяржкантролю паведаміў, што ў адносінах да кіраўнікоў ААТ «Тут Бай медыя» пачата крымінальная справа паводле ч.2 арт.243 КК (ухіленне ад сплаты падаткаў у асабліва буйным памеры). Нібыта з 2019 году, калі ААТ стала рэзідэнтам Парку высокіх тэхналогіяў была атрымана выручка, «не абумоўленая дзейнасцю, дазволенай для рэзідэнтаў ПВТ».

Галоўныя падазраваныя дырэктар ТАА «Тут Бай Медыя» Людміла Чэкіна і галоўны бухгалтар.

Сузаснавальнік Tut.bу Кірыл Валошын паведаміў, што дамен парталу заблакаваны. Карыстальнікі пошты на mail.tut.by таксама не могуць увайсці ў свае электронныя скрыні. Валошын паведаміў таксама пра затрыманне былой супрацоўніцы Tut.by Дар’і Данілавай, аўтаркі стартапу Rocket Data. Яе затрымалі на паркоўцы каля офісу.

Мінінфарм пацвердзіў, што абмежаваў доступ да інтэрнэт-рэсурсаў.

«Генеральная пракуратура ўстанавіла шматлікія факты парушэнняў закону аб СМІ ў частцы размяшчэння забароненай інфармацыі ў шэрагу публікацый на інтэрнэт-рэсурсе Tut.by. У дадзеных матэрыялах утрымліваецца інфармацыя ад імя незарэгістраванага фонду BYSOL. У адпаведнасці з арт.38 закону аб СМІ на інтэрнэт-рэсурсах забаронены распаўсюд інфармацыі ад імя арганізацый, якія не прайшлі ва ўстаноўленым парадку дзяржаўную рэгістрацыю».

ДФР прыйшоў і ў рэгіянальныя офісы Tut.bу. Апячатаны офіс у Берасці.

Сілавікі прыйшлі таксама і ў афіляваную з Tut.bу кампанію Hoster.by, якая знаходзіцца ў тым жа будынку. Таксама сілавікі прыйшлі дадому да кіраўніка Сяргея Павалішава.

Hoster.by – найбуйнейшы рэгістратар і тэхнічны адміністратар нацыянальных даменных зонаў.BY /.БЕЛ. А таксама адзіны ў краіне акрэдытаваны рэгістратар міжнародных дамэнаў.

Завяршыліся вобшукі ў рэдактараў сайту Ганны Рудэнкі і Вольгі Саўкіў, цяпер яны на волі. У іх канфіскавалі ўсю тэхніку (камп'ютары, тэлефоны, у тым ліку не працуючыя), а таксама банкаўскія карткі. Працягваюцца вобшукі ў Золатавай, Талкачовай, а таксама ў намесніка галоўнага рэдактара Максіма Гайко.

Офіс Святланы Ціханоўскай запатрабаваў неадкладнай рэакцыі Еўразвязу на падзеі вакол незалежнага парталу Tut.by.

БАЖ патрабуе спынення пераследу Tut.by
«Пасля прэзідэнцкіх выбараў 2020 году ў Беларусі заблакаваныя дзясяткі грамадска-палітычных сайтаў і сайтаў медыя, шэраг друкаваных выданняў вымушаныя былі спыніць выхад. На раніцу 18 траўня за кратамі ў Беларусі знаходзяцца 16 журналістаў і медыяспецыялістаў, 11 з іх – у крымінальных справах».

Заява АБСЕ
Прадстаўніца АБСЕ ў пытаннях свабоды СМІ Тэрэза Рыбэйру асудзіла пераслед журналістаў у Беларусі. У яе заяве згадваецца затрыманне фотакарэспандэнткі Таццяны Капітонавай, якую арыштавалі на 10 сутак, журналісткі Tut.by Любові Каспяровіч, якой напярэдадні прысудзілі 15 сутак, – магілёўскіх журналістаў Аляксандра Буракова і Уладзіміра Лапцэвіча, кожны з якіх атрымаў па 20 сутак арышту.

Рыбэйру заклікала ўлады Беларусі «пераламаць негатыўную тэндэнцыю» і выконваць свае абавязкі ў межах АБСЭ.

яс/паводле Свабода