Беларуская Служба

Вядуцца чысткі ў беларускі навучальных установах

10.06.2021 15:34
Улады працягваюць звальняць людзей па палітычных матывах.
Звольненая настаўніца Маргарыта Собальspring96.org

Звальненні вядуцца ў школах ды ўніверсітэтах.

Трох беларускамоўных выкладчыкаў прымусілі сысці з Магілёўскага ўніверсітэта, адзін з іх - прафесар кафедры археалогіі і гісторыі Беларусі  Аляксандр Агееў.

«Я быў змушаны напісаць заяву па ўласным жаданні, інакш мяне б звольнілі па артыкуле аб недастатковай кваліфікацыі», - патлумачыў Аляксандр.

У Маладзечна за сваю палітычную пазіцыю згубіла працу 61-гадовая настаўніца фізкультуры з Маргарыта Собаль. З ёй не працягнулі кантракт у гімназіі-каледжы мастацтваў. «Змяняйце грамадзянскую пазіцыю», - сказала на развітанне дырэктар педагогу з 37-гадовым стажам, якая выхоўвае дачку з інваліднасцю: Собаль не хавала, што спачувае пратэстам.

юл