Уведзеныя абмежаванні закранаюць:
Экспарт і перадачу абсталявання, тэхналогіяў або праграмнага забеспячэння, прызначанага для выкарыстання ў інтарэсах беларускіх уладаў у маніторынгу або перахопе Інтэрнэту і тэлефоннай сувязі на мабільных або стацыянарных прыладах.
Экспарт у Беларусь тавараў падвойнага прызначэння для вайсковага выкарыстання.
Экспарт у Беларусь тавараў, якія выкарыстоўваюцца для тытунёвых вырабаў.
Імпарт у ЕС нафтапрадуктаў з Беларусі.
Імпарт у ЕС калійных угнаенняў з Беларусі,
Доступ на фінансавыя рынкі ЭС ураду Беларусі, а таксама беларускім дзяржаўным фінансавым інстытутам і суб'ектам.
Еўрапейскаму інвестыцыйнаму банку забаронена фінансаваць праекты ў дзяржаўным сектары Беларусі.
Адпаведныя пункты рашэння фармулююцца наступным чынам:
Забараняецца закупка, імпарт альбо перадача з Беларусі 5 гатункаў нафтапрадуктаў.
Забараняецца закупка, імпарт альбо перадача з Беларусі 5 гатункаў вырабаў з хлорыстага калію.
Забараняецца наўпрост ці ўскосна купляць, прадаваць, надаваць інвестыцыйныя паслугі альбо дапамогу ў выпуску зваротных каштоўных папераў з тэрмінам пагашэння больш за 90 дзён Беларусбанку, Белінвестбанку і Белаграпрамбанку.
Забараняецца наўпрост ці ўскосна заключаць альбо ўдзельнічаць у якіх-небудзь дамоўленасцях аб выдачы новых пазыкаў альбо крэдытаў з тэрмінам пагашэння больш за 90 дзён Беларусбанку, Белінвестбанку і Белаграпрамбанку.
Свабода/ав