Іх павінны былі выпусціць сёння ноччу, але гэтага не адбылося. Чаму – не вядома. Відаць, сужэнцаў перазатрымалі па новай.
Ірыну і Аляксандра затрымалі ў ноч на 30 кастрычніка ў менскім аэрапорце, калі яны вярталіся з адпачынку. Праз тры дні іх асудзілі на 15 содняў арышту нібыта за захоўванне ў Facebook матэрыялаў, якія былі прызнаныя «экстрэмісцкімі», паведамляе belsat.eu.
Падчас суда Аляксандр распавёў, што іх з Ірынай затрымалі на пашпартным кантролі, закавалі ў кайданкі і не далі забраць багаж. Ён адзначыў, што Ірыну затрымлівалі больш жорстка, чым яго.
Камера на Акрэсціна, дзе знаходзілася Ірына і яшчэ дзевяць жанчын абвяшчалі галадоўку з-за ціску і катаванняў.
Паводле праваабаронцаў, за кратамі знаходзіцца каля 30 супрацоўнікаў незалежных СМІ. Агулам у Беларусі ўжо 843 палітычных вязні.
эж