Лукашэнка не будзе размаўляць з апазіцыяй, якая за мяжой, такі мэсідж перадала ў эфіры АНТ Наталля Эйсмант.
«Мы разумеем, што Лукашэнка можа размаўляць толькі з людзьмі, якія знаходзяцца ў турме», пракаментаваў нам юрыст Народнага антыкрызіснага ўпраўлення Арцём Праскаловіч.
-Ён ужо гэта дэманстраваў. Можа ён збіраецца яшчэ раз з'ездзіць да Вікатара Бабарыкі, да Марыі Калеснікавай, да Максіма Знака і размаўляць з імі ў турме. Але які гэта можа быць дыялог, калі людзі пазбаўленыя волі, людзі праходзяць пра катаванні. Калі гэта будзе намінальны дыялог з карманнай апазіцыяй, якую ён спрабуе стварыць, усім будзе зразумела, што гэта не шлях да пераменаў унутры Беларусі.
18 лістапада прэзідэнт РФ Уладзімір Пуцін заклікаў да дыялогу паміж беларускімі ўладамі і апазіцыяй.
яс