21 мая мінулага года ў шклоўскай калоніі №17 пры нявысветленых абставінах памёр палітзняволены актывіст Вітольд Ашурак. Праваабаронцы заклікаюць у гэты дзень узгадаць Вітольда, выказаць салідарнасць з палітвязнямі Беларусі і ў чарговы раз запатрабаваць ад уладаў іх вызвалення.
На сённяшні дзень у Беларусі 1202 палітвязня.
Што можна зрабіць да Дня палітвязня ў гэты дзень:
арганізаваць ці далучыцца да акцыі салідарнасці ў вашым горадзе 21 траўня ў падтрымку беларускіх палітвязняў.
прычапіць да адзення “жоўтую бірку экстрэміста” ў знак салідарнасці з палітвязнямі.
распавесці ў сацсетках гісторыю аднаго ці некалькіх палітвязняў з хэштэгам #МойСябраПалітвязень.
напісаць адкрыты ліст-пост палітзняволенаму з хэштэгам #свабодупалітвязням ці даслаць ліст салідарнасці каму-небудзь з палітзняволеных.
падтрымаць палітвязняў іншым спосабам: пасылкай, грашовым пераводам, тэлеграмай;
Болей на сайце «Вясны».
юл