Прэс-сакратар Высоцкая: «Вы спыталі, ці не пацвердзім чуткі – не пацвярджаю гэтыя чуткі»
Тэлеграм-канал by_culture са спасылкай на крыніцу паведаміла, што ў беларускія школьныя бібліятэкі даслалі спіс кніг 33 аўтараў ліквідаванага «Саюза беларускіх пісьменнікаў», якія трэба выключыць з абароту; у міністэрстве адукацыі «Медыязоне» сказалі, што не валодаюць такой інфармацыяй і не пацвярджаюць яе.
Акрамя гэтага, у спісе сябраў СБП указаны і людзі, якія ў саюзе не знаходзяцца – напрыклад, Альгерд Бахарэвіч, які выйшаў з яго яшчэ ў 2011 годзе.
«Медыязона» патэлефанавала прэс-сакратару міністэрства адукацыі Людміле Высоцкай. Тая паведаміла, што не можа пацвердзіць ці абвергнуць такую інфармацыю.
«Таму што вы ж самі сказалі – гэта чуткі. Гэтай інфармацыяй мы не валодаем. Дакладна», – сказала яна.
На пытанне аб тым, ці было такое распараджэнне з боку міністэрства адукацыі, Высоцкая адказала адмоўна: «Не. Вы спыталі, ці не пацвердзім чуткі – не пацвярджаю гэтыя чуткі».
яс