У другім чытанні Палата прадстаўнікоў прыняла закон пра абмежаванне права выезду за мяжу, ён уводзіць працэдуру ўзгаднення на выезд для кіраўнікоў дзяржаўных органаў і арганізацый.
Дазвол павінны атрымліваць і работнікі, што забяспечваюць дзейнасць і тэхнічнае абслугоўванне дзяржаўных органаў, якім дадзены допуск да дзяржаўных сакрэтаў.
Узгадняць свой ад’езд за мяжу павінны і супрацоўнікі сілавых структур.
Законапраект таксама вызначае часовае абмежаванне на выезд з Рэспублікі Беларусь асоб, у адносінах да якіх вядзецца адміністрацыйны працэс.
Апрача таго, КДБ далі права не пускаць грамадзян за мяжу, калі «выезд супярэчыць інтарэсам нацыянальнай бяспекі».
яс/svaboda.org