Згодна са зменамі ў Падатковым кодэксе, з 2024 года павышаецца памер разліковага кошту квадратнага метра тыпавога капітальнага будынка. Да яго прывязаны падатак на першую кватэру: ён складае 0,1% ад кошту квадратнага метра, памножаную на колькасць «квадратаў» у кватэры, паведамляе «Наша Ніва».
Для Мінска кошт квадратнага метра жылога памяшкання вырасце да 968 рублёў (цяпер 900 рублёў). Для абласных гарадоў і Мінскага раёна – да 806 рублёў (цяпер 750).
Для Баранавічаў, Бабруйска, Барысава, Ваўкавыска, Горак, Дзяржынска, Жлобіна, Жодзіна, Кобрына, Крычава, Ліды, Мазыра, Маладзечна, Наваградка, Наваполацка, Оршы, Асіповічаў, Пінска, Полацка, Рэчыцы, Светлагорска, Слоніма, Слуцка, Смалявічаў, Смаргоні, Салігорска, Фаніпаля – да 710 рублёў (цяпер 660).
Для астатніх населеных пунктаў разліковы кошт «квадрата» падымуць да 538 рублёў (замест цяперашніх 500).
аз