Зачыніліся апошнія крамы сеткі дзіцячых тавараў «Буслік», паведамляе рэсурс Sputnik са спасылкай на гандлёвы рэестр. Закрытыя не толькі стацыянарныя гандлёвыя кропкі, але і інтэрнэт-крама.
Пра праблемы гандлёвай сеткі стала вядома летась: за 2023 год было зачынена 18 гандлёвых кропак. На пачатку бягучага года працавала яшчэ каля 20 крамаў «Бусліка».
Сетку «Буслік» заснаваў беларускі прадпрымальнік Сяргей Місячэнка. Паступова яна стала найбуйнейшай у сегменце дзіцячых тавараў у Беларусі. У 2018 годзе яе набыла польская кампанія CDRL – адзін з лідараў рынку дзіцячай вопраткі ў Польшчы.
У мінулым годзе ў беларускай кампаніі пачаліся фінансавыя праблемы.
На месца «Бусліка» на беларускім рынку з'явілася сетка «Детмир» – дачыннае прадпрыемства расійскага «Детского мира».
вс