У праграму форуму ўключана:
- размова аб праблемах з атрыманнем літоўскага ДНЖ з уладамі Літвы (чакаецца ўдзел кіраўніцтва Дэпартамента міграцыі, літоўскіх парламентарыяў і прадстаўнікоў міністэрстваў);
- бізнес-панэлі з міжнароднымі экспертамі і прадстаўнікамі бізнес-асацыяцыяў Літвы;
- фінансавыя магчымасці і практычныя парады аб развіцці бізнеэсу ў Літве ад экспертаў і прадстаўнікоў літоўскіх банкаў;
- нэтворкінг і супольныя дыскусіі.
Ціханоўская: «Важна захаваць добрае імя беларускага бізнесу ў свеце»
Лідарка беларускай апазіцыі Святлана Ціханоўская выступіла з вітальнай прамовай на Беларускім бізнес-форуме ў Вільні.
Яна падкрэсліла: «Важна захаваць добрае імя беларускага бізнесу ва ўсім свеце. Яно павінна асацыявацца з празрыстасцю і сумленнасцю. Гэта менавіта тыя каштоўнасці, якія мы павінны прыўнесці ў Беларусь пасля дэмакратычных зменаў».
Беларускі прадпрымальніцкі форум у Вільні зладзіла Асацыяцыя беларускага бізнесу за мяжой ABBA і Літоўская канфедэрацыя працадаўцаў.
вх