9 красавіка спаўняецца 1000 дзён з моманту затрымання лаўрэата Нобелеўскай прэміі міру, кіраўніка Праваабарончага цэнтру «Вясна» Алеся Бяляцкага і яго калегаў-праваабаронцаў Валянціна Стэфановіча і Уладзіміра Лабковіча.
Нямецка-швайцарская праваабарончая арганізацыя Libereco — Partnership for Human Rights і «Вясна» раней заклікалі падпісаць петыцыю за Вызваленне Алеся Бяляцкага і ўсіх палітычных заняволеных Беларусі.
Мэта кампаніі — сабраць 100 000 подпісаў і перадаць іх у амбасаду Беларусі.
З лістапада 2022 года, ад моманту стварэння петыцыі 81 458 чалавек з усяго свету выказалі сваю падтрымку зняволенаму беларускаму праваабаронцу, ягоным калегам і выступілі за неадкладнае вызваленне ўсіх палітвязняў у краіне.
Алеся Бяляцкага і калег арыштавалі 14 ліпеня 2021 года. У 1996 годзе Бяляцкі заснаваў беларускі праваабарончы цэнтр «Вясна», які сёння можа працаваць толькі з эміграцыі. У 2022 годзе ён стаў лаўрэатам Нобелеўскай прэміі міру разам з расійскім НДА «Мемориал» і ўкраінскім «Центром громадянських свобод».
Цяпер у палітычным заняволенні ў Беларусі знаходзяцца каля 1400 чалавек.
svaboda.org/вх