У пункце пропуску «Мядзінінкай» згарэў будынак мытні. Пра гэта паведамляе выданне 15min.lt.
Па інфармацыі паліцыі, падчас праверкі аўтамабіля Porsche Cayenne той раптоўна загарэўся. Пажар ліквідавалі толькі раніцай - каля 07.00. У выніку згарэў ангар мытні і адміністрацыйная частка будынку. Прычыны пажару высвятляе паліцыя.
Як паведамляецца пакуль рух праз «Мядзінінкай» прыпынены, літоўскі бок часова не прапускае транспарт.
Акрамя пункту пропуску «Мядзінінкай» — «Каменны Лог», на літоўскай мяжы працуе толькі адзін КПП «Шальчынінкай» — «Беняконі».
юл