Беларусь не атрымлівала пакуль запрашэння ад швейцарскага боку да ўдзелу ў Саміце міру, паведаміў кіраўнік МЗС Сяргей Алейнік.
«Ведаем, што такі саміт рыхтуецца. Лічым, што адсутнасць запрашэння абсалютна не адлюстроўвае тую рэальнасць, якая складваецца ў еўрапейскім рэгіёне, і той уклад, які Беларусь уносіла і працягвае ўнасіць у мірнае ўрэгуляванне ўкраінскага крызісу.
Мы натуральна, зыходзім з таго, што любыя мерапрыемствы любыя канферэнцыі, якія тычацца еўрапейскай бяспекі без удзелу Беларусі і Расіі не маюць ні перспектывы, ні сэнсу», — адказаў Алейнік.
Саміт міру па Украіне адбудзецца 15-16 чэрвеня ў Швейцарыі. Ён будзе накіраваны на стварэнне канкрэтнай дарожнай карты зaканчэння вайны. Расія не будзе прымаць удзел у саміце, але швейцарскі ўрад выказаў спадзяванне, што прадстаўнікі Расіі калі-небудзь змогуць далучыцца да абмеркавання мірнага ўрэгулявання ва Украіне, нагадвае «Наша Ніва».
IAR/аз