Абмежаваная магчымасць прыцягнення работнікаў і высокая загрузка магутнасцей (каля 70% паводле апытанняў прадпрыемстваў) з’яўляюцца фактарамі, якія стрымліваюць рост прамысловасці Беларусі, такое меркаванне выказалі ў штотыднёвым макрааглядзе аналітыкі Еўразійскага банка развіцця (ЕАБР), — паведамляе выданне pozirk.online.
Адзначаецца, што рост валавога ўнутранага прадукту на 3,7% у гадавым вымярэнні, зафіксаваны па выніках студзеня 2025, «сфармаваны пераважна сектарамі, арыентаванымі на спажывецкі попыт і будаўніцтва»: рознічны тавараабарот вырас на 12,2%, аб’ём будаўнічых работ, паводле папярэдніх звестак, — на 11,2%.
Пры гэтым у прамысловасці, званай «ключавым драйверам эканомікі папярэдняга года», рост выпуску склаўся «крыху ніжэй за тэмпы росту ВУП» — 2,9% год да года.
эж