Пра гэта паведаміў намеснік старшыні камісіі па заканадаўстве Палаты прадстаўнікоў Андрэй Ліс.
Дэпутат адзначыў, што адпаведны законапраект унесены Саўмінам у Палату прадстаўнікоў Нацыянальнага сходу ў красавіку бягучага года, ён распрацаваны ў адпаведнасці з палажэннямі ўказа Лукашэнкі аб дзяржуліку і эксплуатацыі грамадзянскіх беспілотнікаў.
Дакумент у тым ліку прадугледжвае асаблівы парадак увозу на тэрыторыю рэспублікі, а таксама захоўвання і выкарыстання беспілотнікаў і авіямадэлей.
«Як мы бачым, цяпер гэтыя, здавалася б, бяскрыўдныя, мірныя прадметы, як беспілотнікі, авіямадэлі, актыўна прымяняюцца на тэатры ваенных дзеянняў, могуць выкарыстоўвацца для ўчынення актаў тэрарызму і ў мэтах кантрабанды», — сказаў Ліс.
Ён дадаў, што бесперашкодны ўвоз і абарот беспілотнікаў уяўляе пагрозу нацыянальнай бяспецы краіны.
Законапраектам прадугледжана перш за ўсё адміністрацыйная адказнасць для фізічных асоб за ўвоз, захоўванне, выраб, эксплуатацыю і абарот беспілотнікаў.
За паўторныя дзеянні на працягу года прадугледжана крымінальная адказнасць.
Паводле Sputnik/вх