Унясенне змяненняў у закон прадугледжвае, у тым ліку, механізм спрошчанага спагнання штрафаў. Ён будзе прымяняцца ў выпадках, калі сума не перавышае 20 базавых велічынь (цяпер гэта 840 рублёў) і ў адносінах да даўжніка адсутнічаюць іншыя выканаўчыя вытворчасці, звязаныя са спагнаннем грошай.
Такім чынам, дадзеныя змены дазволяюць больш аператыўна спісваць грашовыя сродкі з рахункаў даўжніка ў аўтаматычным рэжыме.
Калі даўжнік не выканаў патрабаванне ва ўстаноўлены тэрмін і не аплаціў штраф у час, з яго будзе спагнаны таксама прымусовы збор. Па законе ён не можа быць меншы за 0,5 базавай велічыні, гэта значыць 21 рубля.
Яшчэ ў лютым міністр юстыцыі Яўген Каваленка, анансуючы будучыя змены, адзначаў:
— Праект Закона «Аб змяненні законаў па пытаннях выканаўчага вядзення» накіраваны на павышэнне эфектыўнасці выканання выканаўчых дакументаў, цыфрызацыю і ўкараненне спрошчаных форм вытворчасці, забяспечвае прыярытэт абароны інтарэсаў спагнальнікаў і стымулюе добраахвотнае выкананне, павышае статус судовага выканаўцы.
Судовы выканаўца мае права спаганяць грошы, якія знаходзяцца не толькі на банкаўскіх рахунках даўжніка, але і ва ўкладах або дэпазітах у нябанкаўскіх крэдытна-фінансавых арганізацыях, а таксама на электронных кашальках. А яшчэ грамадзяніну ў выпадку неабходнасці можа быць забаронена ўчыняць пэўныя дзеянні ў адносінах да сваіх грашовых сродкаў і іншай маёмасці.
Sb.by/ав