Патрэбная «ваенная мабілізацыя», каб утрымаць эканоміку краіны ў складаным міжнародным становішчы. Аб гэтым заявіў кіраўнік Беларусі Аляксандр Лукашэнка на нарадзе з кіраўнікамі дыпламатычных прадстаўніцтваў Беларусі, перадае БЕЛТА.
«Гэты і будучыя гады будуць вельмі складанымі і напружанымі. Таму папярэджваю ўсіх прысутных, перш за ўсё службовых асоб, якія займаюцца эканомікай. Не крыўдуйце, але ціск і патрабаванні ў сувязі з гэтым будуць толькі павышацца. Не толькі падчас вайны і падчас ваенных дзеянняў даводзіцца мабілізоўвацца, але і ў мірны час. Лічыце, што мы жывем у вельмі складаны мірны час. Хачу, каб усё гэта засвоілі. Патрэбныя жорсткія, часам нетрадыцыйныя метады працы. Але эканоміку краіны трэба ўтрымаць».
Ён нагадаў, што ў Беларусі адкрытая эканоміка, і больш за палову прадукцыі трэба прадаць за мяжой і атрымаць адпаведныя даходы.
«Таму толькі наперад, ніякіх тлумачэнняў. Няма выніку — прабачце, вас там няма», — падкрэсліў Лукашэнка.
нг