МЗС Беларусі ўручыла ноту паверанаму ў справах Польшчы з-за «дэструктыўнага мерапрыемства» да гадавіны выбараў-2020

У Міністэрства замежных спраў Беларусі быў выкліканы часовы павераны ў справах Польшчы, якому «ўручана адпаведная нота» ў сувязі з запланаванымі ў польскай сталіцы мерапрыемствамі да пяцігоддзя беларускіх прэзідэнцкіх выбараў 2020 года.

МЗС Беларусі.

Фота: БелаПАН

«Арганізатарамі і актыўнымі ўдзельнікамі выступаюць прадстаўнікі беларускай эміграцыі, якія падтрымліваюцца афіцыйнай Варшавай і вядомыя сваёй дэструктыўнай і правакацыйнай дзейнасцю», — заявіў з гэтай нагоды прэс-сакратар МЗС Руслан Варанкоў.

Міністэрства «зыходзіць з таго, што падобныя варожыя акцыі не спрыяюць аднаўленню нармальнага дыялогу паміж ....дзяржавамі і наўпрост шкодзяць беларуска-польскім адносінам».

9–10 жніўня ў Варшаве пройдзе IV канферэнцыя «Новая Беларусь», пасля завяршэння працы ў першы дзень - вулічная акцыя «Марш свабоды» да гадавіны выбараў-2020. 

вх