Беларускі расследавальніцкі цэнтр паведаміў, што віцебскі завод радыёдэталяў «Маналіт» вырабляе кампаненты для расейскага АТ «Спец-электронкамплект» — пастаўшчыка мікраэлектронікі для прадпрыемстваў ВПК РФ, — піша reform.news.
Кантрольны пакет «Маналіту» належыць расійскай фірме «Кулон», якая таксама працуе на ваенна-прамысловы комплекс Расіі. З пачатку поўнамаштабнага ўварвання РФ ва Украіну да сакавіка 2025 года завод адгрузіў «Спец-электронкамплекту» тавараў больш як на $40 млн.
96 % паставак складаюць керамічныя кандэнсатары — ключавы элемент мікрачыпаў. Для вытворчасці выкарыстоўваецца абсталяванне з ЕС: станкі KEKO Equipment (Славенія), печы Nabertherm GmbH (Германія) і тэхніка Pro-face by Schneider Electric (Японія/Францыя).
З траўня 2023 года «Маналіт» пад санкцыямі Украіны, аднак санкцыі ЕС на яго не распаўсюджваюцца.
эж