Літоўскі аўтаперавозчык раней адмяніў 75% рэйсаў па гэтым маршруце – дзесяць з 13. Першапачаткова гаварылася, што гэта часовая з'ява, і працягнецца яна да 18 жніўня. Аднак маршруты ўсё ж адменены на пастаяннай аснове. І цяпер, каб зусім не страціць абʼём пасажыраперавозак, TOKS запускае на маршруты двухпавярховыя аўтобусы.
Як заявіла літоўскае Міністэрства транспарту, адмена рэйсаў звязана з тым, што колькасць аўтобусаў, якія перасякаюць беларуска-літоўскую мяжу, перавышала ўстаноўлены ліміт.
Таксама тры рэйсы ў Вільню прыйшлося адмяніць «Менсктрансу». Перавозчык таксама паведамляў першапачаткова, што гэта зроблена часова.
«Беларусы і рынак»/вх