Праваабаронцам стала вядома, што беларускія палітычныя эмігранты, якія маюць пратэрмінаваны пашпарт і не могуць прыехаць у Беларусь замяніць яго, пачалі атрымліваць лісты паводле месца прапіскі ў Беларусі, паведамляе Праваабарончы цэнтр «Вясна».
У лістах палітычным эмігрантам з пратэрмінаванымі пашпартамі гаворыцца, што ім трэба прыйсці ў аддзел міграцыі і замяніць пашпарт, інакш пагражаюць штрафам.
Караць беларусаў хочуць паводле часткі 3 артыкулу 24.33 КаАП («Пражыванне без дакументаў, якія сведчаць асобу грамадзянаў Рэспублікі Беларусь, або паводле несапраўдных дакументаў, якія сведчаць асобу»). Штраф за гэта складае да чатырох базавых велічыняў (Br 168).
Аляксандр Лукашэнка сваім указам № 278 у верасні 2023 года забараніў амбасадам і консульствам Беларусі падаўжаць або выдаваць пашпарты за мяжой. У Аб’яднаным пераходным кабінеце назвалі такую забарону парушэннем Гаагскай канвенцыі 1961-га.
эж