Дарадца па прававых пытаннях Святланы Ціханоўскай Леанід Марозаў узяў удзел у прэ-сесіі пасяджэння Рады па правах чалавека ААН

Беларускія і міжнародныя праваабаронцы прадставілі факты масавых парушэнняў правоў чалавека і адзначылі адсутнасць прагрэсу з боку ўладаў.

Здымак мае ілюстрацыйны характар.

Joshua Woroniecki/pixabay.com/CC0 Public Domain

Дарадца па прававых пытаннях Святланы Ціханоўскай Леанід Марозаў прыняў удзел у мерапрыемстве, якое было арганізавана напярэдадні 50-га пасяджэння Рады па правах чалавека ААН. Беларускія і міжнародныя праваабаронцы прадставілі факты масавых парушэнняў правоў чалавека і адзначылі адсутнасць прагрэсу з боку ўладаў.

Сярод ключавых праблемаў было адзначана:

➖   захаванне і пашырэнне смяротнага пакарання;
➖   больш за 1300 палітвязняў і каля 4000 арыштаваных з 2020 года;
➖   сістэматычныя катаванні, жорсткія ўмовы ўтрымання, пазбаўленне медычнай дапамогі і адвакатаў;
➖   ліквідацыя незалежных СМІ і 1900+ арганізацыяў, ціск на прафсаюзы і журналістаў;
➖   дыскрымінацыя жанчын, нацыянальных меншасцяў, прадстаўнікоў ЛГБТК+ і людзей з інваліднасцю;
➖   адсутнасць незалежнага суда і знішчэнне інстытута адвакатуры.

«На жаль, сітуацыя з правамі чалавека ў Беларусі пагаршаецца. Некаторых рэчаў мы нават можам не бачыць публічна, бо рэжым абраў новую тактыку ўтойвання рэпрэсіяў. Мы будзем працягваць нагадваць: без вызвалення зняволеных і спынення рэпрэсіяў немагчыма казаць пра якія-небудзь пазітыўныя змены ў Беларусі», - заявіў Леанід Марозаў.

Акрамя прэ-сесіі, прайшлі закрытыя сустрэчы з партнёрамі з Літвы, Латвіі, Швейцарыі і іншых краінаў, дзе таксама абмяркоўвалі становішча з правамі чалавека і галоўныя выклікі для беларускага грамадства.

az